قصة ملك 10

داكشي لي  كانت كدير يوميا ماما وتبعات هدرة الفقيه بالحرف وكانت كطلق سورة البقرة والرقية الشرعية فالدار وكاتعطيني نشرب داك الماء للي فيه القران حتى سبحان الله يوم من بعد يوم بديت  كنحس بتحسن كبيييير ووليت مواظبة على الوضوء والصلاة فوقتها لقيت انه كلام الله هو دوايا وشفاء جروحي كنت كنشد القران فالليل و كنقراه وكانبدا نبكيييي حتى كتبغي روحي تخرج .. كانت هادي هي الطريقة الوحيدة  باش كنت كنبرد على قلبي و كنبقى ساعات فالليل كنشكي لله وكندعي ربي يصبرني ..بقيت على هاد الحالة شي 6 اشهر بعدها قررت ندير الحجاب ونبدا نحفظ القران وبقيت هاكا حتى بديت كنحس براسي كنرجع لحياتي الطبيعية وبديت كانضحك شوية خصوصا ماما كانت محتاجة بزاف تشوفني بديت كنرجع ملك للي كانت كاتعرفها قبل  ضحوكية واجتماعية وعزيزة على الصغير والكبير..واحد النهار قررت ندخل الفيس من جديد باش نعرف اشنو واقع فالدنيا طليت على الفيس ديال منير وعرفت ان الام دياله ماتت بالفقصة على ولدها المهدي وقررت اني نسد هاداك الفيس بخطرة ونحاول نبني حياة جديدة ونكمل قرايتي بعدما داز عام عليا كله جحيم ..بالفعل دازت سنة على موت المهدي وبدا العام الدراسي فلافاك خبيت كاع الهدايا للي شراهم ليا المهدي وتصاورنا بجوج وجمعتها فصندوق صغير حيت بغيت تبقى اجمل ذكرياتي محفوظة فداك الصندوق ومانبغيهاش تضيع ..ودخلت نقرا تاني وكاع البنات اللي كايعرفوني ماقدروش يجيو يسلمو عليا حيت الضحكة ماكانتش كاتبان على وجهي وكانشوف فعينهم الاستغراب خصوصا اني اصبحت محجبة لكن بشوية بشوية حاولت نندمج مع الحياة الجديدة ديالي حيت عرفت ربي معايا عمره مايخليني والمهدي راه فقلبي وعمرني ماغادي ننساه...

النهاااااااااية