قصة ملك 9

بالفعل دوني عند طبيب نفساني وكان كايهدر معايا وانا مكنجوبوش بالصدمة وكنت كنشرب دوايات ديال العصاب ومضادات الاكتئاب باش نعس ونتهدن وكانو فالدار كيعتابروني بحالي صافي حماقيت او ولا فيا الصرع كنت كانجلس معاهم حتى كنبدا نبكي ونغوت   ..ونقطعت على الدراسة مابقات عندي رغبة فحتى حاجة احلامي كلها تدفنات معاه حتى قرايتي للي كانت الشغف ديالي مابقيتش باغياها ...اما  ملي كايجيو عندنا العائلة كل واحد وكيفاش كيشوف فيا كاين للي شامت فيا وكاين للي كايشوف فيا نظرة ديال الشفقة وتايقوول مسكيييييينة ضربوك بالعين ابنيتي وهي تنقز واحد خالتي قالت لماما تي لاش مخلياها كتشرب فالدوا سيري جيبي شي فقيه يقرا عليها القران راه البنت ساحرين ليها ..مسكينة ماما كان هداك هو الحل الوحيد اللي قدامها خصوصا ان الادوية ماكانت كتنفعني فوالو من غير انها كتخليني كنعس صافي ..الغد ليه جابت واحد الفقيه شارف نعتاتو ليها خالتي  يلاه بغى يحط عليا ايدو وانا نبدا نغوت ونتركل وكنقوليهم بعدو مني بغييييييت نمووووت وماما كتبكي وكتطلب فيا نخليه مهم شدوني بزز حط ايدو على جبهتي  وبدا كايقرا القران وانا كنبكي ملي سالا قاليهم بنتكم مامسحورة ماوالو بداو تقراو القران فالدار وعطيوها تشرب ماء مقروء عليه سورة الكرسي والفاتحة والمعوذتين وباذن الله غاتولي مزيانة ...