13 ماندير
قررت ندخل انا ديك الساعة كنت مقادا حالتي تبدلت بالزاف فهاد الشهورا اللخرين وليت
كانبان صغر من السن ديالي ببزاف دخلت لقيتو متكي وكايفكر انا كنت خايفاه لايغوت عليا
اولا يقوليا شي كلمة دخلت لناموسيتي وبغيت ننعس شوية وهو يعيط ليا" مريم"
درت لعندو شفت فعينيه واحد الشوفة عمرني شفتهافيه انسان محطم وضعيف فديك اللحظة نسيت
او تناسيت داكشي لي دار ليا بلا مايقول والو قربني لعندو وعنقني بالجهد اول مرة من
بعد عام حسيت بلي هادا عادل لي كنعرف هاد السيد لي بغيتو وبغاني من يامات لافاك حسيت
بيه ندمان بالزاف على داكشي لي دار بقا فيا عنقتو حتى انا وحطيت راسو على صدري و دار
واحد ردة الفعل ماكنتش متوقعاها اول مرة كانشوف راجلي كيبكي بحال شي دري صغير اول مرة
كانحس بالضعف ديالو احساس فشكل بانليا بحال ايلا كان ولدي ماشي راجلي عرفت فديك اللحظة
بلي الراجل دري صغير واخا يكبر دري صغير قدام جوج ديال الناس الوالدة ديالو والمرا
ليكيبغي عنقتو بالجهد بحاليلا خايفاه يهرب مني تاني ويمشي عند وحدة خرى شافيا وقاليا"
مريم انا كانحس براسي ماشي مزيان انا درت شحال من حاجة خايبة انا..." ماخليتوش
يكمل مابغيتوش يعاود ليا ونجبدو داك الموضوع تاني فضلت نبداو من جديد بتاسمت ليه وقلت
ليه بواحد الصوت رقيق بزاف" حبيبة ديالي انا ليكنطلب منك السماحة هملتك بالزاف
عطيت الوقت لبناتي ونسيتك ديتها فكلشي الا فيك سمح ليا انا من اليوم نواعدك غادي نكون
ليك كلشي عمرك ماتخصك شي حاجة....
0 commentaires :
Enregistrer un commentaire