يوميات مريم 11

ايمان فهاد الوقت حاولات تتقرب اكثر من مجدولين وطبقات الخطة لي رسمناليها انا واسماء حاولات تبينليها بلي معجبة بيها اوبلي تمنات شي وحدة بحالها لخوها وبلي مراتو ماكاتسوا ماكاتصلح هي بهاد الهضرة زادت ثقتها فنفسها حسات بلي صافي دارتو فالجيب حاولات تتقرب ليها كثر باش تعرف النية ديالها كتاشفات عليها حوايج خايبين بالزاف غير بالصدفة من واحد كان عندها فالفيسبوك

كانت عندها فلي زامي واجوتاها واحد لامي عند ماجدولين وبغا يتعرف عليها هي لقاتها نيت فرصو لعل وعسا تعرف عليها خبيرات دارت راسها بلي عجبها وعطاتو الرقم بقاو كايهضرو شحال وعرفات بلي هو صاحب مجدولين القديم

 مابغاتش تسولو باش مايشكش قالت ارا نتلاقا معاه دارت معاه فواحد الجردة عمومية بعيدة من الخدمة وبقاو كايهضرو شوية قالت ليه"انا كانعرفك سمحليا مقلتهاشليك من الاول" تعجب السيد وقاليها"فين كتعرفيني ؟" "ماجدولين عاودات ليا عليك وقالت ليا هداك واحد ولد الحرام وفاش عرفاتني غادي نتلاقا معاك قالتليا كانصحك بلاش" الدري تعصب ووجهو حمار وبدا كايكر" اييه دابا انا لي وليت ولد الحرام نسات يامات فاش كانقراو بجوج وكاتقوليا كنبغيك وفنفس الوقت كاتمشي تتفلا على رجال لاباس عليهم كاتديليهم فلوسهوم وكتهرب" هنايا ايمان فرحات بالزاف ولكن مبغاتش تبين ليه وقالتليه"لا مايمكنش مجدولين ديرها هي صاحبتي وانا كنعرفها عندك شي دليل؟" "عندي ادلة ماشي غير دليل مازال عندي الميساجات انا وياها كانتعايرو فيهم من بعد ماعرفت الحقيقة وعندي نمرة ديال واحد السيد تفلات عليه جا عندي بغا يضارب قاليا بعد من خطيبتي هو لي فضحها حتى كتاشفنا من بعد انها كتعرف شحال من واحد الاغلبية ديالهم مزوجين ودايرة حساب فالبنك كاتخسرفيه الفلوس ليكايعطيوها دوك الشمايت بنت الحرام"

ايمان بغات تطير بالفرحة خدات نمرة داك الراجل ودات الخبيرة سخونة ليا فرحت بالزاف واخيرا غادي نتهناو تشاورت مع اسناء وقالت ليا بلي حنا منقدروش على هاد الراجل هي غادي تتكلف وتهضر مع راجلها يتاصلبيه ويعاودليه كلشي

كنا كانوجدو هجوم على مجدولين لي سدقات كدابة وكاديرها بالرجال راجل اسماء تفاهم مع السيد وعاودليه وقاليه بلي هو مستاعد يعاونا ويقول كلشي لعادل انتقاما منها وواعدنا غادي يتاصل بيه هاد الليلة بقيت كانتسنا عادل يجي ومخلوعة من لي غايوقع بقيت كانتسناه حتى دازت بيا عيني فوق الفوطوي شوية فيقوني السوارت فالباب قاديت الكلسة شفت الساعة لقيتها الجوجديال الليل دخل عادل وباينا فيه محطم بالزاف وكاعي ماقاليا حتى السلام دخل للبيت وسد عليه انا عرفت فديك اللحظة بلي غايكون سالا معاها رتاحيت جزئيا ولكن بقا فيا الحال حيت ماعارفاش اش غايوقع بالظبط كانسول راسي ندخل ولا بلاش ماعرفت ماندير..