قصة ملك 3

هبطت من الطوبيس كندور وجهي كانلقاه عاود هو تبعني بالطوموبيل وخا كنت فالطوبيس.. نزل بالزربة من الطوموبيل وجا عندي قالي ابنت الناس والله حشومة عليك شنو درتي راااني ماشي من كازا وكانجي غير مرة مرة وشفتك قدام لافاك وعجبتيني وانا والله ناوي المعقول ..قلت ليه بلا ماتعاود ليا قصة حياتك ..بقى كايحلف ويعاود راه ناوي المعقول ..بقيت ساااكتة كنشوف فيه كنفكر شنو ندييير باش نسوسو حيت واخا هاكا مامتيقاهش شوية وهو يقولي سيري اختي لداركم وانا غانمشي موراك باش مانجبدش ليك الصداع انا سميتي المهدي و هاهي النمرة ديالي والفيسبوك حتى هو راني ليوم شاد الطريق لطنجة وان شاالله يكون خير ..داكشي لي كان مشيت لدارنا وهو تابعني حتى وصلت ومشي فحالو..منكدبش عليكم حسيت بشي حاجة اتجاهه وقلت ماغادي نخسر والو الا عطيته فرصة خصوصا هو ناوي المعقول ..المهم فالليل دخلت للفيس ديالو وبقيت كنبقشش ليه فالتصاور ديالو وكنشوف فالبنات للي مطيحين عليهم الدل وكيكومنتيو ليه فتصاور هاللي كاتقوليه راك بكوس هاللي كاتقوليه حبيبة وهو ماكايجاوبهمش كاع الله ينعل اللي مايحشم.. المهم تشجعت وسيفت ليه طلب الصداقة ولقيتو اون لاين قلتليه السلام راه انا هي البنت اللي عطيتيها النمرة الصباح ..قالي اااه سميتك ملك متشرفين سميتك زوينة قلتليه شكرا ..للي نطولوه نقصروه اخويا شكون نتا وشنو بغيتي ...