قصة ملك 4

قالي انا المهدي من طنجة عندي 27 عام وكنفكر فالزواج وشفتك وعجبتيني بنتيلي بنت الناس وانا ناوي نكمل ديني وراني عاودت للواليدة وخويا الكبير عليك وراه جايين نخطبوك من بعد 2 سيمانات الا قبلتي علينا ..منقولش ليكم شداتني الرعدة ماعرفت مانقوليه ضرباتني اللقوة ههه المهم قلت ليه غادي نعطيك نمرة ديال ماما وتفاهم معاها الا كنتي فعلا ناوي المعقول قالي صافي الصباح نعيط ليها قلت ليه بونوي راني قارية غدا ومشيت نعس ..مع النبوري فيقاتني ماما ياك يا العفريتة شنو ماما مالي شنو درت قالتلي كتعرفي واحد وماقلتي ليا والو بديت كنتنخصص عليها بلعاني باش ماضربهاليش بشي قرصة فاعلة تاركة قالتلي بلا ماتبوحطي راه قالي السبت غايجي هو والواليدة ديالو وخوه نقزت من الفراش قلتليها شنووووو هاد السبت ..بقات كضحك هاي هاي مزروبة تالسبت لاخر عاد غايجيو ...بالفرحة نضت جمعت الدار كاملة عاد خرجت للافاك ...فالعشية لقيتو كاتبلي ميساج فالفيس :اش كاين دويت معاها ولا ولا ..ولايني مسطي هاد المهدي مفروح ههه.. صافي المهم بقينا كنهدرو فالفيس وكانت هدرتنا قليلة غير السلام السلام كيدار سافا حيت وخا هكاك مابغيتوش يحس اني مامتيقاش راسي انه غايجي لدارنا ...