يوميات مريم 9

؟ ماغاديش نقوليك ديري ريجيم والزواق والماكياج داكشي كايجي من بعد اول حاجة هي الشخصية ديالك خاصكي تحاولي تبغي راسك وقفي قدام المراية وقولي بالجهد انا كنبغيك امريم نتي انسانة تستاهل كل الاحترام انا كانحتارمك امريم اوهادشي لي كاديريه امريم غادي يتحسبليك فميزان حسناتك حيت غادي تحافظي على دارك وراجلك,حاولي تشغلي وقتك الدنيا زوينة ومافيهاش غير الرجال نسايه شوية دخلي للمنتديات دخلي للجروبات النسائية تعرفي على عيالات تتبادلي معاهم الوصفات تعلمي ديكور تعلمي مشيطات تقاديهم لبناتك شحال من حاجة كاينة شوفي راسك بحال شي انثى بحال شي ملكة تستاهل كل الخير عمرك ماتنقصي من راسك حتى واحد فالدنيا ماعندو الحق يقلل من احترامك شكون غاتكون كاع هاديك العشيقة ديال راجلك؟

ياك بنت تسع شهور بحالك بحالها اش زايد فيها كاع لييخليه يتلفت ليها وينساكنتي بعدما كان كيعشق التراب لي كاتمشي عليه؟ فكري باجابية رجعي للرسم حضري ندوات التنمية الداتية قوي علاقتك مع ربك تدكري يوم الحساب الله ابتلاك غير حيت نتي مومنة تفكري بلي هادا ماهو غير امتحان صغير من عندو ومازال جاي الامتحان الكبير ياك شفتي؟كاينين حوايج اهم فالدنيا من انك تبقاي حاضية راجلك وتناكري معاه" وبالفعل مشيت للدار والهضرة ديال اسماء كتعاود فودني عندها الحق الحياة زوينة بالزاف توضيت وصليت بكيت فالسجود وطلبت الله يعاوني باش بنياتي مايضيعوش حاولت نبعد الافكار الخايبة ومن داك النهار حاولت ندير بكلامها تغيرات نظرتي لراسي وليت كانحتارم مريم وكنقدرها عجبني الحال ... ولكن فاش كانشوف وجه عادل كانتفكر الخيانة ديالو وكنزيد نقوا الطريق مازال طويلة قدامي واالي جاي صعب خاصني نبدل راسي للاحسن باش نواجه هاديك العشيقة والله كبير

الوقت كايدوز و انا كانتبدل نزلت 8كيلو فجوج اسابيع بالريجيم والسبور خديت موعد مع طبيب الاسنان درت تبييض عطيتها للماسكات والخلطات ديال الشعر والجسم غاديا وكانزيان اصلا ملامحي زوينة خلوق والحمد لله وليت مدياها فراسي تبدلت بالزاف داز شهر علاقتي بعادل مازال باردة ماكانشوفوش بالزاف ولكن متكايبقاش فيا الحال على قبلو بدا حتى هو كايحس بالتغيير ديالي مابقيتش تابعاه كيفماكنت من خلال اسمات تعلمت شحال من حاجة تسجلت فواحد لاسال ديال الرقص الشرقي حتى هو عاوني بالزاف باش نرجع لفورمة ديال قبل الزواج نخارطت مع واحد الجمعية كاتعاون الاطفال واخا ماكانتش شي حاجة كبيرة لي كاندير ولكن كانحس براسي مهمة وليت مدياها فبنياتي وغير كانلعب معاهوم....