10
واحد العشية تلاقيت مع اسماء فرحات بالزاف للتغيير ديالي
وقالت بلي
خاصنا ندوزو للمرحلة التانية لي صعب وهي مواجهة الخصم"اكيد مايمكنش ليك تربحي
ديك خيتي ونتي ماكاتعرفيهاش خاصنا نتعرفو عليها باي طريقة "بقيت كانفكر كيفاش
حتا لليل فاش جا عادل كان جالس يالاه بغا يخدم فبورطابلو درت راسي غانهز شيحاجا وشفتو
حتى دار المودباس حفظتو مزيان وعقلت عليه خليتو حتى نعس وخديت بورطابلو بلا مايحس لقيت
حوايج زادو كملو عليا لقيت مساجات الحب والغرام بيناتهم شي حوايج كايقولو بحال المتزوجين
لقيت تصاورهوم بجوج فواحد لوطيل وفالبحر حاولت نحبس البكية ماقدرتش نقلت النمرة ديالها
عرفت بلي سميتها ماجدولين من خلال المساجات وتعرف عليها فالخدمة هي تقريبا فالسن ديالي
و شهبة سابغة شعرها زوينة ولكن انا كثر منها حطيت البورطابل ومشيت ننعس وعقلي مشطون
بالخطة الجديدة خاصني نعرف عليها كلشي بما انها كاتخدم فالشركة ديالو ماكاين ليغايعاوني
قد لوستي ايمان حيت كادير عند خوها السطاج
كنت كانتسنا
الصباح ايمتا يطلع تسنيت عادل حتى مشا للخدمة وانا ننقز على بورطابلي تاصلت بايمان
على النبوري خلعتها قلت ليها طيري عندي داابا جات كاتجري عاودتليها كلشي ماتيقاتش تصدمات
فخوها كتر مني فاش قلت ليها سميت مجدولين غوتات قالت ليا والله تا كنت شاكا فيها وكنقول
اعود بالله من الشيطان الرجيم ان بعض الظن اثم وا السيدة غير كاتحنقز وكتبلحس عليه
عطاتني المعلومات عليها وواعداتني تبقا مراقبا التحركات ديالها علين مانلقاو خطة ماش
نساليو معاها ونطرقو هاد المسمار. قلت هادشي كامل لاسماء وفرحات حيت غاتسهال علينا
المامورية
0 commentaires :
Enregistrer un commentaire