قصة ايمان

قصـــــــــــــــة إيـــــــــــــــمان
.
.
.
.
.
.
.
.
.
.
.
.

السلام عليكم هادي قصتي قصة واقعية انا سميتي إيمان عندي 29 حاليا مزوجة وعندي ولييد لمهم انا غنعاود ليكم قصتي من ايامات الدراسة انا من مدينة الدار البيضا كنت في دراسة شبه معقدة نضرا للوزن الزائد الي كان عندي ووالديا كانو مزيريني منخرج منضحك معا بنات موالو عائلة الوالدة كلهم ملتزمين وكل شي باغي يربينا بطريقتو

لمهم مشات ايام ودازت ايام حبس الدراسة من السنة التالتة إعدادي ودخلت للتكوين ختي لي صغر مني كانت حتا هي كتقرا لمهم دارنا وبالأخص الواليدة ولات كتيق فيا وليت نخرج مع صحاباتي نفوجو نضحكو يجيو يباتو عندي نمشي عندهم لأكن بمراقبتها

لمهم واحد النهار تحل واحد السناك مقابل مع دارنا حيت دارنا كانت في الشارع انا وختي لي هي صغر مني ب 4 سنين ديما مني كنقنطو كنطلعو للسطح ونبقاو نطلو اوا السيد الي خدام في السناك كيبقا يدوي معانا بالإشارات مني عجبنا لحال ولينا دايرينها لعبة انا كنطل كتخبا ختي وهو كيشير باغي يدوي مني تخبا ختي كنطل انا كيكمل لحركات حيت انا وختي
كنبانو واحد حيت كنا دايرين فحال التوأم حيت حتا هي غليضة
مهم بدينا نتعلقو بيه بزووووج هي كتقول باغيها انا كنقوليها لا را باغيني انا واحد نهار انا مكايناش في دار معرفتش كفاش حتا تلاقات معاه مباشرة لمهم مني عطاها نمرتو انا خويت راسي منو ولكن لمشكلة فين كاينة هي انا ختي صغر مني دارنا مكيخليوهاش تخرج بوحدها اول مرة دارت معاه قالت ليا غنمشي معايا وافقت فعلا تلاقينا سيد مني شافني تصدم معرف باش تبلا

لمهم شدينا طاكسي مشينالعين الدياب سيد ولا مركز معايا كتر منها خلاها وجلس حدايا هي حتا هي ممسوقاش ليه لمهم هي قالت ليه انا غنعطيك نمرة دختي تبقا تعيط ليا عندها حيت هي مكانش عندها لبورطابل لمهم جينا مشيت عاودت هادشي لصاحبتي لي مكنخبيو علا بعضنا والو سميتها فاطمة قالت ليا هدا راكانباغيك نت وختك جات في طريق

لمهم سيد ولا يعيط يسول عليها ندوزها ليه يقوليها جوج كلمات دغيا ويقوليها دوزي ليا إيمان اوا وكنا كنخرجو دينا حنا بتلاتة هو وانا وأختي انا بغيت نحطو عند حدو ونقوليه متبقاش دايرنا لعبة حنا بجوج ولكن خفتو يقوليا علاش انا را باغي ختك نت لي ديما لاصقة حيت هو عمرو مقاليا انا بغيتك مباشرة لمهم واحد نهار عيط ليا قاليا بغيت نشوفك دابا ضروري قلت ليه واختي قاليا جي غي نت بغيت نهدر معاك عليهاقلت ليه واخا خرجت عندو وقلتها لختي قالت ليا سيري انا أصلا مبغاهش حيت بان ليا كبير عليا لمهم ديت معايا صاحبتي فاطمة بقا كيدوي وهو حشمان قالي انا من نهار شفتكم بزوج وانا متردد لمهم انا راني كنت باغيك نت مع كتبانو ليا من بعيد مكنتش مركز مزيان مني خرجت معاكم بزوجانا رتاحيت ليك نت بعقلك وعارفة اش كديري واش كتقولي بمعنة ناضجة ختك مسكينة بقا صغيرة بزااااف ودماغها صغير انا بيني وبينكم عجباتني هدرتو وبديت كنبغيه ولكن

حيحت عليه قلت ليه انت اش كتسحاب راسك شبعتي من ختي بغيتي دور ليا انا لمهم ندمتو مزياااان ولا كيطلب ويرغب والو مبقيتش بغا نسكت هههه انا وحتا صحبتي كملات عليه اوا مني مشيت لدار وهو يعيط ونقطع عليه تلت ايام انا علا هاد الحال حتا صافي ختي قالت ليا مالك شوفي معاه را والله حتا كيبغيك ختي كانت بغا غي سبة باش تفارق معاه لمهم قنعوني حتا تصاحبت معاه كانت علاقتنا في حدود حتا يدي مكانش يشد فيها كان يخاف مني هههههه لمهم بقيت معاه لمدة عام مات جدي الي كان عاطينا ديك دار لي كنا ساكنين فيها وكان جدي الله يرحمو ويوسع عليه ضيقة القبور في هاد النهار كان لباااس عليه كنا شبعانين فلوس وحوايج وأكل لمهم كان معيشنا في خيرو مني مات جا واحد خالي عند ماما قاليها انا بغيت الكراجات ندير فيهم لافاج حيتحنا كنا في الشارع ماما مكانتش بغا لي يشاركها في حقها جدي كانت عندو موبل اخورفي بلاصة شوية بعيدة علا فين كنا ولكن في نفس لمدينة قرات ماماتخالي الدار كلها لخالي وخدات حقها في الورت في الدار لخرا واخا حنا منبغيناش معندنا منديرو لمهم خليت صحاباتي خليت حب حياتي خليت 19 عام ديال ذكريات خيبها بزوينها وتحولنا

لمهم تحولنا في الاول معجبنيش لحال بقات صاحبتي مسكينة نجي تجلس معانا 3 ايام وتمشي الي جا ضيف ومشا كنبقاو نبكيو حسينا بالغربة حيت عائلتنا كلها بقات مجموعة وحتا لي بعاد لمهم سيد لي كنت كنبغي بقا معمر ليا وقتي نهار روبو ديالو كيجي عندي نخرجو فيه والأسبوع كامل كيجي يوقف مقابل مع دار نطل عليه ويمشي مع العلم انه من خدمتو لعندي جوج ديال المراكب لمهم حتا هو ولا يبغيني بزاااف ولينا نهدرو علا زواج كل مرة يقولي هاد سيمانة نجيب دارنا كل مرة ياجل حتا دوزت معاه تلت سنين ولا هو الأكسجين لي كنتنفس من بعد جاو سكنو حدانا واحد جوج بنات مع جداهم وباهم كراو عندنا مهم عايشة في طاليان كرات ليهم ومشات مع هاد جيران حياتي غتبدل كليا

لمهم تصاحبت مع لبنت لكبيرة نضرا أني دار لي سكنا فيها مدرت صحابات في داك الحي موالو وحتا هما كانو جاو من بلاصة بعيدة ونفس المعاناة لي زايد عندهم انهم حتا الام مسكينة بعيدة عليهم لضروف العمل لمهم واحد نهار كنت خارجة انا وختي وماما وتلاقيت بلبنات بقينا كنهدرو سلام وفين كنتو ساكنين هدرة تجبد هدرة حتا تصاحبنا عمرنا عليهم وعمرو علينا لبنات مع كانو غي بوحدهم كيضلو في دارنا ولا انا وأختي كنضلو في دارهم حيت ماما هانية علينا حيت في موبل واحد هاد لبنات عندهم خوتهم دراري مساكنينش معاهم كيجيو مرة في سمانة يطلو علا لبنات ويمشيو دراري باقين بلا زواج

لمهم مشات ايام وجات ايام انا عمرت وقتي دخلت مدرسة لخياطة ولفصالة دوزت لبرمي سيد لي كنبغي باقي يقول ليوم غدا حتال واحد نهار قاليا غادي نمشي نجيب واليديا هدر مع الواليدة وحدد معاها نهار وحنا قلناها لخولاتي جاو مساكن من طنجة باش يوقفو مع الواليدة وصل النهار لي غيجيو فيه
كنعيط لسيد والو تليفونو طافي نهار كامل انا حسيت بشي حاجة ماشي حتالهيه ودار كيقولو ليا الغايب حجتو معاه وماما كتقوليا اويلي مالو حتال هاد الدرجة غيكون برهوش سيد بعقلو تاصل بيا وحدد نهار ودابا مغيجيش سيري سيري راكي تصطيتي لمهم لعشية كلها واحنا نتسناو وانا نعيط والو لمهم كلشي عرف را مجايش حيت جا ليل ومجاش حتال نص في ليل عاد معيط كيطلب ويرغب دارهم مبغاوش ليه وحدة عربية حيت هما شلوح

لمهم انا ديك ليلة مخليت فيه غي لي نسيت وخا قلبي عالم بيه غي الله مبغيتش نبان مكسورة بقيت قوية وكنقوليهم لي مفيه نفع دفع هو غبر شهرين فديك شهرين انا بديت نربي راسي من جديد ونعودها علا فراقو وحاجة وحدة الي بقات مفرحاني لدابا انه عمرو مدا مني باش ينقي سنانو هههه لمهم بقيت مع لبنات لخروج دوران لبحر وكنا الا خرجنا وشي واحد تبسل علينا ومعجبناش كنتحماو هههه وكل وحدة كنبداو نقولو عليها مرت خويا فحال انا مرت خو لبنات وختي حتا حي مرت خوهم ولبنات حتا هما عيالات خوتنا هادي غي بالضحك لمهم صيف جا مهم كانت قريبة تجي عاونتهم في التخمال و في الحلوة وفي الطياب حيت كنت حادقة تحكيت مزيان مني تحولنا ولا عزيز عليا كل حاجة كتهم لمرا

لمهم بغيت نخلي لبنات في راحتهم مهبطش عندهم قلت خليهم يشبعو من مهم لي لعام كامل مشافوهاش ماما هبطات دارت الواجب ودات معاها لي قسم الله لمهم السيدة كدور في دارها ولي شافتها وعجباتها كيقولو ليها مرت ولدك لي دارتها نهار كامل وهما يدويو غي بمرت ولدها قالت ليهم اجيو فهموني كفاش مرت ولدي وشكون هي بقااااو كيضحكو قالو ليها بغيتي تعريفها بلاتي عيطو ليا لبنات هبطت سلمت عليها سيدة من أطيب خلق الله لمهم عودنا ليها لفيلم ديال مرت خوهم عجبها لحال ضحكات لمهم واحد نهار وحنا كلنا جالسين حنا لبنات ومواتنا مهم قالت لماما أجي الحاجة علاش منديروهاش بصح نزوجو إيمان لمروان

ماما قالت علاش لا وحتا انا وافقت واخا مكنعرفوش شخصيا وكنعرفوش حتا في وجهو ولكن ضد في الحب الاول وافقت اوا مني الوالدة ديالو قالتها ليك مبغاش ماشي مبغانيشانا بالعكس هو قال لمو مغتلقاش حسن من هاد الناس دين وعائلة وكلشي لمشكل انه خدام علا قدو ومعندوش السكن ومبغاش يسمع شي نهار الناس كيقولو بغاها علا الطمع لمهم مو مسكينة جات قالت لينا كلشي واحتا انا مكنتش معمرا بيه راسي كنقول مخدانيش حتا هداك لي دوزت معاه سنين بقا غي هدا لمهم صافي طوينا لموضوع ولكن مسكينة مو بقات ديما دوي معاه وقالت ليه الا خديتي ديك لبنت عرفتي اش خديتي وغنبقا مرتاحة عليك مني نمشي صيفطات لبه خوالو يقنعوه هادشي كامل وانا مفراسي والو

لمهم سيد وافق جات مو عند ماما عودات فتحاتها في الموضوع وانا كنت دايرة واحد الحاجة في راسي قلت لي بغاه قلبي ميسرش فيه الله أرا نشوف لي بغاه ليا الله واش غيصدق ولا لا فعلا وافقت جا نهار الخطبة الصغيرة جات مو وباه وخالو ومرتو وهو مجاش هههههه

في ديك الساعة لي ناس طلعو انا هبطت لدارهم عند خواتاتو مجمعين وكنضحكو وكنتخايلو اش غيقولو في لخر وعلاش غيتفاهمو حنا جالسين حتا صونا ليا تلفون جاوبت آلو شكون قاليا صافي نسيتيني ونسيتي صوتي ونسيتي نمرتي اه هو والله حتا هو السيد لي كنت كنبغي قلت ليه اش بغيتي دابا بعد مسمحتي فيا ورجعتيني ضحكة قدام عائلتي قاليا سمحي ليا حيت مجيتش مقديتش نواجهك ونقوليك دارنا بغاو شلحة بنت البلاد قاليا اش بان ليك نرجعو وتصبري معايا حتا نقنع والديا وانا نبقا نضحاااااك هههههههههه

قلت ليه نصبر معاك كون تزوجنا كون ولدنا دخل للمدرسة وانا نقوليه غنجيك من الاخر عطيتك فرص بزاااااف ودابا في هاد اللحضة را عندنا لخطاب جاو يخطبو فيا وانا وافقت فرحانة وحتا دارنا وافقو لي نطلب منك أولد ناس نساني في ديك اللحضة السيد بدا يبكي قاليا انا لي مخليت مدرت باش نبقا معاك ومستعد ندير علا ودك اي حاجة نت تفليتي عليا وكنت مخطوبة وانت معايا لمهم عصبني وغوت علييييه وانا نقوليه انا لي صبرت معاك في لوقية لي كنت معاك شحال من واحد خطبني ورفضتو علا ودك ولكن مني تولي تفلا علا عايلة علا قدها حبس حدك تما وزايدون شكون لي مزال في عائلتي خيحط يدو في يديك وانت زبلتيها وهربتي خلاصة أولد الناس هادو ماشي فعايل الرجال

وانا نقطع عليه بقا يصوني وانا نقطع حتا صدعني عطيت تلفون لوحدة من لبنات هدرات معاه حيت كانو عارفين كلشي قالو ليه صافي أولد ناس لبنت غتزوج مامكتابينش فرقها عليه لمهم كيبكي ويهدر واخا بقا فينا حتا حاجة مبرداتني حتا سمعتو كيبكي حيت تسبب ليا في بزاااف ديال الآلام اوا صافي قطعتها معاه ناس ديال لخطبة تفاهم انا لخطبة لكبيرة بعد 15 يوم ولعرس حتال صيف لآخر بيما جات مو تاني صافي بدينا كنطلعو لوراق تاع لكتبة سيد كنتلقا معاه في زنقة كيدير راسو مكيعرفنيش ههههه

كنجي مفقوصة عند مو وخوتاتو كيقولو ليا هو هكاكحشومي وحدودي صافي بقات لخطبة يوماين مشا هو للمحكمة باش يدفع لوراق قالو ليه خاص مرتك تكون معاك عيط لمو قالها ليها مني قالوها ليا قلت ليهم والله منمشي عندو بوحدي ههههه مشات معايا ماما مشينا عندو صايبنا لوراق لمهم ف ديك لخرجة مفتش انا وياه سلام مني كيهدر كيهدر غي مع ماما لمهم مني دفعنا لوراق قالو لينا حتا لعشية وعد جيو ليهم في لعشية ماما مبغاتش تمشي معايا حيت خاصها توجد للخطبة لمهم مشيت انا وياه وكانت اول خرجة واخا كانت بسيطة ولكن عمرها متنساليا سيد بدا يتطلق مني خدينا وريقاتنا شد ليا في يدي كانت اول مرة يشدني فيها شي حد هي يد رااااااااجليييي حبيبي وقاليا دابا نت مرتي لمهم تعرفت عليه وعلا طبعو دازت يومين كانت فيها خطبة اتكاتيب

لمهم داز كلشي بخير وراجلي نساني في كلشي اقسم بالله حتا اول نهار شد ليا يدي نسيت كلشي حسيت براسي عمري حبيت شي حد قبل وكنقول مع راسي فين كان مخبي قبل منبغي لآخر واخا ندمت علا نهار لي بغيت فيه واحد ميستهلنيش ولكن معمرو دا مني حتا باش ينقي سنانو معلينا كنا ناويين نديرو لعرس في صيف لآخر سيد بكترة متعلق بيا وتعلقت بيه
مبقاش قاد يصبر حتالصيف ههههه كان باغي يكري شي دويرة صغييييرة ماما حلفات عليه قالت نت رآك ولدي أولد الناس وانا با الله يرحمو عمرو مخلانا مشينا لديور لكرا انا عندي ديور كنكريهم كفاش نخليكم تخرجو تكريو را ديور لفوق خاويين ختارو لي بغتو وخودوها

يتبــــــــــــــــــــــــــــــــــــــــــــــــــــــــــــع