قصة ايمان 2

.
.
.
.
.
.
.
.
.

في الاول هو مبغاش قاليا ها علاش مبغيتش نتزوج بيك باش ناس ميقولوش طامع فيك لمهم ماما هدرت معاه وقنعاتو قالت ليه انا مبغيتش لبنتي راجل عندو لفلوس انا بغيت لي تكون عندو نفس ولغيرة بغيت ولد يكون في كتافي حيت لواليد مسكين عيا وراكم عارفين لمرا مني تكون بوحدها عندي خو واحد ديك ساعة كان باقي صغير ماما بكات قالت ليه انا مريضة وهي كلشي في حياتي مبغيتكمش تمشيو وتخليوني لمهم خدينا دار وستقلينابحياتنا انا كنضل مع ماما ومني كيجي هو مكنعقل علا حد ههههه هو عينو علا دارهم وانا عيني علا والديا بقات علاقتي بخوتاتو مزيانة وحتا بمو انا هي ضؤ دعينيهاقدر الله وحملت وولدت دوزت اسعد ايام حياتي مع راجلي وحبيبي مروان

من مورا لولادة شربت الفانيد تاع منع الحمل وماما معوناني في ولدي وكلشي هو هداك وانا مرتاحة وختكم غي الماكلة والنعاس وانا غدا وكنغلاض وراجلي عاجبو لحال حتا كمل ولدي تلت سنين

دارنا كترو عليا زيدي ولدي ولدك كبر مو طلب كلشي يطلب قلتها ليه قاليا صافي تافقنا علا نزيد نحمل حبست جميع موانع الحمل الشهر الاول والو التأني والو

العام الاول والو العام التأني والو واحد نهار قررت نمشي ندوز وهنا كانت الصدمة لي غادي تفيقني

مشيت عند طبيبة قالت لي مالك اش ضارك قلت ليها والو غي بغيت نحمل ومسهلش الله راني عامين مديرا والو

قالت ليا منقوليك والو حتا توزني مني وزناتني لفات 120 تما شبعات فيا معيار مالك علا هاد لحالة واش بغا تموتي فين غادزيدي هاد لجنين وانت هازا جوج دناس فين عتزيدي تالت مني قلباتني قالت ليا يكذب عليك لكادب يقوليك غتزيديً تولدي حيت الوالدة ديالك عامرة شحمة

رجعت لدار وانا في واحد الحالة ربي لي عالم بيها قلت مع راسي كاينين جوج حوايج يا نضعاف ولا نبقا هكا نقتل في راسي بشوية بشوية جيت لقيت راجلي لي كان عندو فضل كبيييير باش حياتي تبدل

عاودت ليه كلشي وانا منهارة وكنبكي قاليا دابا مني بكيتي عندك الرغبة يلاه تشجعي وانا معاك بقا نعقل كان اخر شهر 4 مباشرة من الصباح دخلت عند طبيبة ديال تخسيس ودرت لاصال وتبعت رجيم قاااااصح في ضرف ربع شهور من 120 ل 80

وراجلي مسكين مساندني ماديا ومعنويا كان كيخلص عليا 24 الف غي ديال طبيبة عاد لا صال عاد لحوايج لكان كيشري ليا حيت لحوايج دالي كلهم مبقاوش كيجيوني ههههه

بقيت مهتمة برأسي وراجلي حبو ولا كيكتر ويكتر نسيت لحمل ولولاد وكلشي وليت عايشة حياتي تاع بالصح حيت كتاشفت انني كنت معقدة وحارمة راجلي من بزااااف دلحوايج خرجنا سهرنا سفرنا مشينا لبواط اي حاجة تحرمت منها دارها ليا راجلي وانا ناسية كلشي من بعد ربع سنين كتاشفت أني حاملة واااااااااااو متصوروش شحال فرحت انا وراجلي

ودوزت ربع شهور تاع لوحم وجاني بالراس وبالضراس مكنتش كنوض من بلاصتي حتا لواحد نهار مشيت دوزت قالت لي طبيبة راه خاصني ندير كورطاج حيت لجنين مكانش كيكبر بقا فينا الحال وحيدتو ولكن هداك امر الله انا حاليا بقا في فترة نقاهة ا الي جات من عند الله مرحباً بيها لمهم انا وراجلي وعائلتنا وعائلتهم باقين في دار وحدة ومحافضين علا علاقتنا وعدوزتي درويشة بزاف مسكينة مكنشبعوش منها دغيا كتجي ودغيا كتمشي وكلشي مزيان ووليدي دابا را عندو 8 سنين وانا وراجلني ديما كيحسسني أني بقا عروسة وتوتة توتة توتة خلصت الحدوتة

نتمنى تعجبكم قصتي

النــــــــــــــــــــــــــــــــــــــهـــــــــــــــــــــــايــــــــــــــــــــــــة