السلام عليكم ,انا مريم فعمري 25 سنة مزوجة من هادي 6سنين كانعيش مع راجلي فدار بوحدنا ميسورين والحمد لله انا خرجت من القراية فالاولى جامعة كنت كانقرا الادب الانجليزي ولكن تخليت على القراية بسباب الزواج تربيت فعائلة محافضة والديا قراوني بالي البنت واخا تدور حتى تعيا اخر مسارها دار راجلها هاد الفكرة كنت متشبعة بيها وماكنتش كانشك فيها هي باش كبرات ماما وجداتي وخوالاتي وكلشي عيالات العائلة.انا تزوجت عن حب كنت كانموت على راجلي وهو كدلك كان ديما كايتبعني فاش كانكون غادية لافاك ولكن انا ديما دافعة كبير وماكانتسوقش ليه حتى للنهار فاش مشا عند خويا وهضر معاه وقاليه باللي بغا يجيب الوالدة ديالو وخوه الكبير باش يخطب لان الوالد ديالو متوفي الله يرحمو. من بعد دوزنا احلى ايام الخطوبة بحال اي ناس فالسن ديالنا كان كيديني لواحد السينما جات حدانة جديدة يالاه تحلات كانتفرجو فافلام امريكية خصوصا ديال الاكشن حيت راجلي كيموت عليه تزوجنا ولله الحمد درنا عرس فخم عرضت فيه على كاع المعارف ديالي كنت فرحانة طايرة بحال شي فراشة كنت قلت مع راسي دابا صافي امريم خاصك تجمعي راسك وتديها فراجلك حيت نتي وليتي امراة مزوجة يعني سالاو الهوايات والصحابات والخروج مع العائلة وووو قلت مع راسي خاصني نعيش ليه ونسخر حياتي باش نخدمو ونولد ايه الولاد بالزاف واطيب احسن ماكلة باش عمرو مايشوف غيري ماما كانت كاتقوليا ايلا بغيتي الراجل يبقا كايهتهت بسميتك خاصكي تكوي حادكة ومتخليش نقطة ديال الغبرة فالدار خاصكي تكوني لالة مولاتي ماياكل غير من يديك انا النصائح ديال ماما طبقتهوم بالحرف كنت كانقول مع راسي هي امراة واعية وفاهمة وعندها خبرة عليا والدليل هو الزواج ديالها الناجح من بابا لي ستمر 34عام .....يتبع
0 commentaires :
Enregistrer un commentaire