قصة ملك 7

مشيت نعس ومرة مرة كنفيق و كانطل على التلفون كانشوف واش عيط وماسمعتوش  وكانشوف شحال فالساعة وصلات 6 ديال الصباح ومازال ماعيطش قلت يمكن وصل عيان وضربها بنعسة ولكن هادي ماشي من عوايد المهدي ديما تايقولي فين هو وكايطمئني عليه ناااري دخلني الوسواس وبديت كنتعوذ من الشيطان    صافي سيري تنعسي ا ملك راه غير جا مسكين فيه نعاس ولا سالات ليه لاشارج ديال التلفون ..الغايب حجتو معاه كيف كانقولو ..تكيت باش نعس ولكن اشمن نعاس غايجيني وعقلي  وقلبي مشغولين على خطيبي المهدي  بقيت صابرة تالديك  9 نضت من فراشي واول حاجة درتها هي شديت التلفون باش نعيطليه بقى كيصوني ووالو ماكيجاوبش حاولت 10 ديال المرات يمكن كتر  صافي تما شكيت واقعة شي حاجة وقلبي بدا كيضرب مليون دقة فالساعة غير الله يحفظ وصافي  قلت والله تانعيط لخوه ربما يكون عنده شي خبار ونقطع الشك باليقين  صونا المرة الاولى تاهو ماكايجوبش المرة الثانية والثالثة عاد جاوبني..الو منير خويا قالي لاش معيطاليا  المصيبة نتي السباب نتي السباب وهو كيبكي وكيغوت ...قلت ليه شنو واقع راني مافهمت والو قالي المهدي دار كسيدة تقلبات بيه الطوموبيل فالدخلة ديال القنيطرة وراه دابا فحالة خطيرة نتي للي خرجتي عليه نتيييي الا وقعات ليه شي حاجة ذنبه فرقبتك نتي ...من الصدمة مابقيتش كنسمع شنو كيقولي فالتلفون وبديت كانغوت وكنبكي ملي دخلت ماما لعندي صافي غير شفتها سخفت ومابقيت عاقلة على والو....داوني للسبيطار والوقت اللي  حليت عيني فيها كنلقى راسي فالسبيطار وبابا وماما وختي جالسين فوق الكرسي و كانشوف ماما كتبكي وبابا كيصبر فيها وكيقوليها ...