قصة ملك 8

حليت عيني فالسبيطار لقيت ماما حاطا ايديها على راسها وكتبكي  بحرقة وكتقول شي عووييينة هادي ضرباتنا وهو كيصبر فيها  كايقوليها ان لله وان اليه راجعون ربي داه لعنده مايمكنش نعتارضو على قدر الله ..غير هو قالها بقيت كانغوت وكنتف فشعري بحال الحمقة كانقوليهم مايمكنش مايمكنش  وبابا مسكين كايشدني وتايقولي صبري ابنتي صبري ماعندنا مانديرو من بعد بدا بنادم كيطل عليا باغين غير يتفرجو  ويشوفو شكون هادي لي كاتغوت هكا وهي تبان ليا  جايين   جوج فرمليات غليضات و دارت وحدة فيهم  عند بابا  وقالتليه عاونا باش ندكوليها هاد البرة راه ماغاديش نقدو عليها وبالفعل دكاتهاليا خشاتها فيا بواحد الطريقة عنيفة تقول غير قاتلة ليها باها ولا شي حد من الفاميلة من بعد ترخييييت و كانحس بالقوى ديالي كيفشلو وبشوية بشوية حتى صاافي نعست وغبت على هاد الدنيا..اشمن نعاس واشمن راحة باقيا ليا وخا يبقاو يدكوليا حتى يشبعو لانه نعاسي وراحتي مصطنعة واش اعباد الله   الشخص الوحيد للي بغيتو  وللي كان كايعملني بحال الاميرة وكنت كانتسنى اللحظة اللي نولي مراته ونعيش السعادة  ربي دغيا  داه لعنده ..ياربي اش هاد المصيبة حسيت اني تظلمت وان فرحتي مادامتش و ما بقيت لاكاناكل لاكنشرب بغيت نمووووت مابقيتش باغية نعيش فدنيا هو ماشي موجود فيها ..نقصت فالوزن بزاف من بعدما كنت عامرة والفورمة ديالي كان كايضرب بيها المثل والشعر لي كان بني وكتير وطويل طاح بالفقصة ووجهي كحال شرفت بلا وقت  المهم وليت جالتي حالة المومياء حسن مني  وبقيت فالسبيطار مدة طويلة وعياو معايا الاطباء باالمقويات ووااااالو  وقال الطبيب المشرف على حالتي لبابا انه خاص ولابد طبيب نفساني لان بنتكم عندها اكتئاب ...